60 гаруй жил үргэлжилсэн NBA-н түүхэнд "алмайрам" амжилтууд тогтоогдож он дамжин эвдэгдэлгүй мөнхөрсөөр байгаа юм. Энэ удаад бид самбараас бөмбөг авалтыг онцлон мэдээлье.
1946 оноос хойш өдгөөг хүртэлх энэ урт хугацаанд NBA-н түүхэнд "Бүх цаг үеийн лидер" гэсэн нэр тодотголтой олон тоглогчид байлаа. "Амжилт гэдэг эвдэгдэхийн тулд тогтоогддог" гэсэн үг бий. Тэгвэл Michael Jordan шиг 30.1 оноог дундажлаж, Kareem Abdul-Jabbar шиг 38.387 оноог өөрийн карьертаа авна гэдэг боломжтой зүйл мөн үү? За, ингээд гол сэдэв болох самбараас бөмбөг авалтруугаа орцгооё.Самбараас бөмбөг авалтын дунджаараа NBA-н түүхэнд тэргүүнд бичигдсэн тоглогчид бол Wilt Chamberlain мөн Bill Russell нар юм. Russell 22.5-г хийсэн бол Chamberlain 22.9 самбараас бөмбөг авалтыг тоглолт бүрт дундажлаж байснаараа энэ рекордыг эзэмшдэг. 14 улирлын туршид шүү. Хамгийн ихдээ 1960-1961 оны улиралд 27.2-г хийж байсан бол хамгийн багадаа л 1970-1971 оны улиралд 18.2 самбараас бөмбөг авалтыг хийж байжээ. Тэдний араас 3-т бичигдэж буй Bob Pettit л гэхэд 16.2 гэсэн үзүүлэлттэй байгаа юм. Харин өнөөгийн байдлаар бол Dwight Howard лигийг дундаж самбараас бөмбөг авалтаараа тэргүүлж байгаа хэдий ч түүний карьертаа хийж буй 12.6 гэсэн үзүүлэлт рекордыг давах ямар ч боломжгүй гэдэг нь харагдана.Харин одоо карьерынхаа туршид хийсэн нийт самбараас бөмбөг авалтынхаа тоогоор хэн тэргүүлдэг вэ гэдгийг сонирхоё. Харамсалтай нь энд ч ялгаа гарахгүй. Wilt Chamberlain 23.924-г хийснээрээ тэргүүлдэг бол Bill Russell 21.620 удаа самбараас бөмбөг авснаараа удаалдаг. Харин тэдний ард Kareem Abdul-Jabbar 17.440 гэсэн үзүүлэлтээр хол хоцордог юм. Shaquille O'Neal өнөө цаг үед тоглож буй тамирчдаас энэ жагсаалтанд өрсөлддөг ганц хүн нь бөгөөд түүний нийт самбараас бөмбөг авалтын тоо 12.921. Рекорд эвдэхийн тулд дахиад 11.003-г авах шаардлагатай байгаа биз? Эсвэл домогт Patrick Ewing-н 11.607 гэсэн үзүүлэлтийг Shaq-нх дээр нэмбэл л энэ амжилт эвдэгдэх боломжтой юм. Тэгэхээр самбараас бөмбөг авалтын рекордыг эвдэнэ гэдэг байж болшгүй зүйл гэдэгтэй та санал нийлэх биз ээ.
Greetings from Finland. This blog is a fun, through access to other countries, people, culture and nature. Come see Teuvo pictures on my blog. Tell your friends why he must visit Teuvo pictures on my blog. Therefore, to obtain your country's flag rise higher Teuvo blog pictures of the flag collection. Have a wonderful weeke Teuvo Vehkalahti Finland
ReplyDelete