Delhiin hamgiin unetei zuils ee gej

Дэлхийн хамгийн үнэтэй зүйлс 

- Дэлхийн хамгийн үнэтэй хүүхэн бол Женнифер Лопес гэнэ. Тэр үлгэрийн юм шиг биеэ Нью-Йоркийн нэг даатгалын компанид 1 тэрбум еврогоор даатгуулжээ.

- Дэлхийд хамгийн үнээр бүтсэн кино бол “Титаник” хэвээр байгаа бөгөөд уг киног хийхэд 200 сая гаруй ам. доллар зарсан байна.

- Дэлхийн хамгийн үнэтэй реклам.  2002 онд “Пепси” компани өөрийн бүтээгдэхүүнийг рекламдахаар поп дуучин Бритни Спирсийг урьжээ. Нэртэй ундаа үйлдвэрлэгч тус компани 90 секундийн рекламд 7,53 сая доллар зарцуулсан байна.

- Дэлхийн хамгийн их мөнгө гаргасан аялал. Америкийн бизнесч Дэнис Тито, ӨАБНУ-ын компьютерын саятан Марк Шаттлворд нар Олон улсын сансрын станцад очихын тулд тус бүр 20 сая ам. доллар төлжээ.

- Дэлхийн хамгийн их мөнгө зарсан сонгуулийн кампанит ажил.  2001 онд Нью-Йорк хотын даргын албан тушаалд өрсөлдсөн Майкл Блумберг энэ амжилтыг тогтоожээ. Түүний төлөө санал өгсөн 744 мянга 757 хүн тус бүр түүнийг 86,10 евро гаргахад хүргэсэн байна.

- Дэлхийн хамгийн өртөг ихтэй хот. Токио шиг амьжиргааны өртөг ихтэй тийм газар хаана ч байхгүй.

- Хамгийн үнэтэй гутал. Өндөр өсгийтэй үнэхээрийн үнэт гутлыг алдарт эрднийн дархан Стюарт Вайцман урлажээ.   642 ширхэг бадмаараг эрдэнээр чимсэн энэ гутал 1,6 сая еврогийн үнэтэй гэнэ.

- Дэлхийд барьсан хамгийн үнэтэй зоог. “Greenlight Capital”  пүүсийн тэргүүн Дэвид Айнхорн өөрийн шүтээн, тэрбумтан Уоррен Баффеттай зоог барих эрхийг дуудлага худалдаанаас 250 мянга 100 доллараар худалдаж авсан юм.

- Дэлхийн хамгийн үнэтэй зураг болох Питер Пауль Рубенсийн “Хүүхдүүдийг зодож байгаа нь” гэдэг зургийг 2002 онд шинэ эзэн нь 73,5 сая еврогоор худалдан авчээ.

- Дэлхийн хамгийн үнэтэй янжуур бол “Treasurer” маркийн янжуур. Нэг хайрцаг нь ойролцоогоор 24 евро. Зөвхөн төрөлжсөн дэлгүүрүүдэд худалддаг байна.

- Дэлхийн хамгийн үнэтэй төмс бол Францын “La Bonnotte” сортын төмс. Килограмм нь ойролцоогоор 500 еврогийн үнэтэй.

- Дэлхийн хамгийн үнэтэй кофе бол Индонезийн Суматра арлын “Kopi Luwak” сортын кофе. Фунтийн дөрөвний нэг нь 75 орчим ам. доллар гэнэ.

- Дэлхийн хамгийн үнэтэй хувцас бол америкийн сансрын нисэгчдийн өмсгөл. Энэ өмсгөл 9 сая долларын үнэтэй ажээ.

- Дэлхийн хамгийн үнэтэй зочид буудал. Дубайн “Burj Al Arab” зочид буудлын хамгийн даруухан өрөөнд нэг шөнийг өнгөрүүлэхэд 770 евро төлдөг бол, дээд зэрэглэлийн өрөөнүүд нь 7700 еврогийн үнэтэй гэнэ.

- Дэлхийн хамгийн үнэтэй цэнгэлдэх хүрээлэн бол Парисаас холгүй орших “Stade de France” цэнгэлдэх хүрээлэн юм. 1998 онд энд Францын үндэсний шигшээ баг дэлхийн аварга болжээ. Уг цэнгэлдэх хүрээлэнг 460 сая еврогоор бариулсан байна.

- Дэлхийн хамгийн үнэтэй хувьцаа.  Америкийн хөрөнгө оруулалтын “Berkshire Hathaway” пүүсийн биржийн нэг хувьцаа 64 мянга гаруй еврогийн үнэтэй ажээ.

- Дэлхийн хамгийн үнэтэй хөл бөмөгчин бол Зинедин Зидан. 2001 онд францын энэ тоглогч хамгийн их мөнгө буюу 68,7 сая еврогоор “Ювентус”-ээс “Реал” клубт /Мадрид/  шилжсэн юм.

- Хамгийн үнэтэй хөхний даруулга. Энэ даруулга 12,5 сая ам. долларын үнэтэй аж. Германы загвар өмсөгч Хайди Клум Нью-Йорк хотод загвар үзүүлэх нэг арга хэмжээний үеэр үүнийг үзүүлжээ.

- Дэлхийн хамгийн үнэтэй худалдааны тэмдэг бол Coca-Cola. Түүний өртөг  68,9 сая еврогоор үнэлэгддэг нь  пүүсийн өртөгийн бараг 60 хувь болдог байна.

- Дэлхийн хамгийн үнэтэй “Барби” хүүхэлдэй. Үнэн нь 100 мянган евро. Хүүхэлдэйд жинхэнэ брильянтаар чимсэн даашинз өмсгөжээ.

- Дэлхийн хамгийн үнэтэй ном бол Леонардо да Винчийн “Лестерийн хууль” гэдэг ном юм. Маалингаар зассан үнэт цаасан дээр гялгар үсгээр бичсэн энэ номыг Билл Гейтс 24 сая доллар худалдан авсан байна.